Sikkim-ah Khawzawl Vengthar an champion

Khawzawl DFA buatsaih Deputy CM Trophy-ah Khawzawl Vengthar FC an champion a, Sikkim lamah pawh Khawzawl Vengthar team pakhat zawk an champion - Independence Day football tournament for Chogyal Sir Tashi Namgyal Memorial Cup-ah Sikkim Police XI chu 3-1 in an hneh!

Palzor Stadium, Gangtok, Sikkim-a inkhelah hian Khawzawl tan Sihtlangpui tlangval Lalkrosmawia chuan goal hnih a khung a, PC Lalramthara chuan goal khat a thawh ve bawk - Sikkim Police lamin goal khat khung ve mah se goal hnih an chhuah avangin PC Lalchhanchhuaha kaihhruai Khawzawl team lakah an goal khungin awmzia a nei phak lo.

Khawzawl goal thumna khungtu PC Lalramthara hian a goal khung chu a pa PC Parluaia tan a hlan a, Mizoram Football Association (MFA) tirha kal Khawzawl Vengthar hian semifinal-ah Karnataka club Kodagu FC chu 2-0 in an hneh a, final-ah pawh khawtual club ṭha an hneh.