Undisputed welterweight champion Crawford

Nimin khan Terence Crawford chuan T-Mobile Arena, Las Vegas-ah Errol Spence Jr chu round kuanaah a knockout a, undisputed welterweight champion thar a ni.

Crawford hi WBO welterweight title kawltu a ni a, a khingpui Errol Spence Jr. hi WBA, IBF leh WBC welterweight title kawltu a ni thung. Boxer pahnih hian sulhnu an nei ṭha bawk a, T-Mobile Arena-a ṭhutna 19,990 chu a khat vek.

Kum 35 mi Crawford-a'n inhnek a thunun a, round kuanaa referee-in inhnek a tihtawp hma hian Spence hi vawi thum a hnek tlu hman.

Crawford hi tun hmain undisputed light welterweight champion a ni tawh a, Spence a hneh leh tak avangin weight category pahniha undisputed champion thei hmasa ber a ni.

Boxer rothap Crawford chuan, "Tumahin tun hun hi ka thleng theih an ring lo a, an beiseina ka khum. Ka nihna chan thar hlutna belhchhahtu chu ka khingpui hi a ni. Ka chanchin a ṭha lo zawngin an sawi a, Pathianni hnenah khawvel hmaa ka theihna lantir turin ka dil. Tunah chuan ka ropuizia a lantir ta," tiin a sawi.

Kum 33 mi Spence hian Las Vegas-a inhnek a hmachhawn hma hian fight 28-ah chak loh a nei lo a, hei vang hian Crawford-a record ropuina a belhchhah a ni.