Bournemouth-in Kerez an la lut

Bournemouth-in Hungary left back Milos Kerkez chu AZ Alkmaar aṭangin an lalut a, a man zat hi puanzar ni lo mah se pound maktaduai 15.5 vel tura ngaih a ni.

Cherries hian kum 19 mi Kerkez contract an ziahpui rei zawk pawh hi an puangzar lo a, hun rei tak atan tih chuan an ziak. Bournemouth hian Kerkez hma hian Dutch forward Justin Kluivert leh midfielder Romain Faivre te an lalut tawh a ni.

AC Milan academy aṭanga inzir chhuak Kerkez hian January 2022 khan AZ hi a zawm a, season liam ta khan match 52 khelhsakin Eredivise bikah goal nga bakah assist vawi sarih a nei.

Kerkez hian AZ hi Conference League semifinal a thlenpui a, West Ham an hneh lo. Hungary tan pawh vawi riat a khel tawh a, Nations League-a Germany 1-0 a an hneh ṭumin minute 90 chhung a khel a ni.