Pachak leh Nuchak inelna an zo; Hmangaihsanga leh Hmangaihsangi te an chak ber

Mizoram Powerlifting Association (MPA) leh ZONET ṭangkawpin an buatsaih Pachak leh Nuchak intihsiakna chu Zirtawpni zan khan Vanapa Hall-ah zawh a ni.
Mipa inelna huangah Lalhmangaihsanga (Tetea), Saron Veng chu a chak ber a, hmeichhe inelnaah Lalhamngaihsangi, Dilkhan (Salem Veng) chu a chak ber thung.

Inelna hi chi hrang hranga neih a ni a, a tawp zan thlengin champion tur a chiang lo. Inelna hmawrbawk zanah Gas Hold leh Log Lift (90 kgs) hmangin an intihsiak - Tetea hi gas bur ruak char reiah pakhatna a ni a, log kift-ah pahnihna niin a pumpuiah a chungnung ber.

Hmeichhe lamin a hmawrbawk nan Barbell Clean & Press (30kg) an bei ve thung a, table hmahruaitu Lalhmangaihsangi hi pahnihna a ni, mahse intihsiakna hmasa lama a lo chet ṭhat tawhna chu midang tan umphak theih a ni tawh lo.

Dilkhan khaw nula, tuna Salem Venga awm mek Hmangaihsangi hi Mizo Inchaiah nulian champion lai a ni mek bawk a, tun hnaiah a amah elphaktu a tawng meuh rih lo tihna a ni.