Hofmann-a'n Leverkusen a zawm

Germany international Jonas Hofmann chuan Borussia Monchengladbach aṭangin Bundesliga-a an elpui Bayer Leverkusen a zawm. Hofmann hi July 14 khan kum 31 a ni a, Leverkusen tan hian June 2027 thleng contract a ziak.

Hofmann hi Hoffenheim academy chhuak a ni a, kum 19 a nihin Borussia Dortmund a zawm. BVB-ah khelhna hmun a chan loh avangin loan hmangin Mainz-ah a khel a, a khelh ṭhat avangin a lar chhuahna Glabach hi January 2016 khan a zawm a ni.

Xabi Alonso kaihhruai Leverkusen hian Hofmann hma hian Arthur leh Alejandro Grimaldo te an lalut tawh a; July 10, Thawhṭanni hian training an ṭan ang.