Rangers-in Dessers an lalut

Rangers chuan Nigeria striker Cyriel Dessers chu Cremonese aṭangin an lalut a, a man zat hi puanzar a ni lo. Beligum-a piang kum 28 mi Dessers hian Nigeria tan vawi li a khel tawh a, Scottish Premiership club tan hian kum li daih contract a ziak.

Dessers hian Serie A aṭanga relegate Cremonese-ah hian June 2027 thleng contract a nei a, Serie B-a khelh aiin Rangers-a kal a thlang. Rangers manager Michael Beale chuan, "Cyriel hian kan bula a khelh theih nan theihtawp a chhuah. Netherlands, Belgium leh Italy tana khelh tawh avangin tawnhriat a nei ṭha a, kan team pawhin kan ṭhatpui khawp ang," tiin a sawi.

Cyriel hian season liam ta khan Cremonese tan league match 26 khelin goal ruk a khung a, hemi hma season hian Feyenoord tan league match 27-ah goal kua a khung bawk.