Bangladesh captain thar Liton Das

Nimin khan Bangladesh chuan Afghanistan nena ODI match hnih khelh hmabaka captain atan Liton Das an ruat. Veteran opener Tamim Iqbal chuan match hmasa bera an chak loh zawhah ram tana inkhelh a chawlhsan thu a puang a, Liton Das hian Tamim hmunruak hi a luah ang.

Bangladesh hian vawiin tlai dar 1:30 hian Afghanistan nen ODI match hnihna an khel dawn a, July 11-ah ODI match thumna khelh tur a ni. ODI zawh hian T20 match hnih an khelh leh dawn. Liton chuan, "Tamim-a thutlukna kha kan hre lawk lo. Kum tam tak chhung Bangladesh tan a theihna zawng zawng a hlan a, a thutlukna kan zah," tiin a sawi a, Afghanistan hneh let an tum thu a sawi bawk.