BCCI-in Asian Games-ah team tir dawn

Asian Games chu kumin September leh October thla chhung hian Hangzhou, China-ah neih a ni dawn a, nimina BCCI Apex Council ṭhukhawm chuan mipa leh hmeichhe team a tirh tur thu a tichiang.

Mipa inelnaah hian team ṭha ber an tir dawn lo a, B-team an tir ang. Mipa inelna hi September 28 aṭanga khelh ṭan tur a ni. Hmeichhe inelna hi September 19 aṭanga khelh ṭan tur a ni a, BCCI-in team ṭha ber a tir dawn.

Asian Games-ah hian cricket hi vawi thum chiah tel a la ni a, an telh hnuhnun ber chu kum 2014 kha niin India an inlan lo. BCCI-in mipa team ṭha ber an tir loh chhan hi ODI World Cup an thlen tur nen an insut buai vang a ni.