Reus-a'n ṭhangthar kutah captain armband a hlan

Marco Reus chuan Nilaini zan khan Borussia Dortmund tana a captain chhunzawm loh tur thu a sawi. Germany international Reus hian kum nga chhung BVB tan a captain tawh a, hemi hun chhung hian Europe club lian zawk sawmna ṭhahnem tak a hnawl bawk.

Kum 34 mi Reus chuan, "BVB ṭantute chibai ule. Thil pawimawh tak hrilh che u ka duh. Chawlh kan hman hun chhung khan inngaihtuahna hun ṭha ka nei a, midang kuta captain armband hlan turin thutlukna ka siam.

"Hemi chungchang hi Edin Terzić leh Sebastian Kehl te ka hrilh tawh. Captain armband hi chhuang leh zah takin kum nga chhung ka hreng tawh a, min thlawpnaah ka lawm em em bawk. Tunah chuan min thlaktu tur ṭha tak an awm ngei ka ring tlat a ni," tiin a sawi.