Tualchhung football Player-te tana hriattur pawimawh Registration & Transfer

Mizoram Football Association chuan 2023-24 season atan AIFF thuchhuah angin June 9, 2023 aṭang khan Player Registration/Transfer window an hawng. Player-te leh club hruaituten transfer dan an hriat chian loh avangin harsatna an tawk fo.

Season ṭan hma ngeia transfer dan leh kalhmang hriat hi player leh club-te tan a pawimawh hle.

Transfer dan hi a ṭul dan a zirin MFA Registration Committee-in a ti danglam thei thung. Transfer dan chu a hnuaia tarlang ang hi a ni.

A. REGISTRATION

1. MFA leh District FA hnuaia club zawng zawngin 1st June - 31st August, 2023 chhungin player registration an tifel vek tur a ni.

2. MPL team leh District FA hnuaia First Division Club zawng zawng ten 1st June to 31st August, 2023 chhungin CRS hmangin player registration an tifel vek tur a ni.

3. MFA Player Registration hian Inter-Village, Inter-Branch YMA, Inter-Constituency leh Inter-Ward te a huam lo ang.

4. Age group la khel phak CRS registration ti turten Digital Birth Certificate ngei an hmang tur a ni.

B. TRANSFER

1. Heng hunah hian Player transfer theih a ni:

a) 9th June to 31st August, 2023

b) 1st to 31st January, 2024

2. AIFF thuchhuak angin 2023-24 chhungin player pakhat, Club pali (4) ah a in transfer kual thei ang a, amaherawhchu Club pathum(3) tan bak official match a khel tur a ni lovang. Hei hian Loan-a player inhawhte pawh a huam ang.

3. MFA, DFA leh Zone buatsaih club inelna tournament te chu official match a chhiar vek tur a ni ang.

C. LOAN

1. CMS hmanna tournament-a khel turin Amateur-a in register player-te Loan hmanga chhuah theih a ni lo ang.

2. Player pakhat loan hmangin 1st January – 31st May, 2024 season chhungin ṭum hnih chhuah phalsak a ni ang a, MFA Loan form hman tur a ni ang. Loan-a chhuah man a awm thung ang. Loan hmanga chhuah man hi player in register-na club hnenah a hawhtu club-in a pe ngei tur a ni ang. Loan fee hi Rs 1000/- per player per month a ni ang.

3. Loan-a chhuak lai hmun danga loan hmanga chhuah chhawn leh phal a ni lo ang.

4. DFA hnuaia First Division Club-ten MPL emaw a aia sang player 3 (pathum) bak tournament khat atan loan-in an lak phal a ni lo ang.

5. DFA hnuaia Second Division Club-ten First Division emaw a aia sang player 2 (pahnih) bak tournament khat atan loan-a an lak phal a ni lo ang.

6. Loan-a player latute hian a form copy khat, player in register-na MFA/DFA hnenah an submit ngei tur a ni.

7. MFA Cup bikah MPL emaw a aia sang club emawa in register player-te tel phal a ni lo ang.

Heng achunga kaihhruaina tarlan hi MFA leh DFA hnuaia club leh player tinten an zawm ngei tur a ni a, an zawm lo a nih chuan an chungah Disciplinary action lak a ni ang.