Chawnpui FC-in Rindika Hmar an la lut

MPL champion Chawnpui FC chuan season thar atan coach Lalrindika Hmar an lalut. Chawnpui hi coach Lalsangzuala Hmarin a chhuahsan a, coach ṭha hi coach ṭha dang bawka thlak an duh avangin MPL9 finalist FC Venghnuai coach Rindika Hmar an lalut chat a ni.

Chawnpui FC managing board chairman C. Malsawma chuan, "Mizo ṭhangthar coach zinga record nei ṭha leh fighting spirit nei ṭha Rindika kan thawhpui tur hi vannei kan in tiin kan phur hle," tiin a sawi a, Rindika Hmar an ringtawk hle.

CYMA Football 2023-ah khan Rindika Hmar hian Salem Veng a enkawl a, semifinal-ah Venghnuai lakah an vanduai, coach hna chawlhsan rih a tum hman hial. Coach Rindika Hmar chuan, "Chona thar a ni a, champion laia luh hi mi tam tak chuan min dem! Mahse tha thlah loa min siamtu tur a ni. Vanneihna hian min bawm lo lutuk vang hian kum khat ka chawl dawn em ni aw, ka tia. Mahse, vanneihna duh vanga chawlh ai chuan vanneihna tawng tura thawhrim ka thlang a ni," tiin Vanglaini a hrilh.

Coach Rindika Hmar hna hmasa tur chu player lakluh a ni dawn a, tualchhung transfer hun a inhawn tawh avangin team ṭha din tura player ṭha hmin a pawimawh dawn a ni.