Real Madrid an chak

Champions League quarterfinal first leg-a Chelsea hnehtu Real Madrid-in Inrinni zan khan La Liga-ah Cadiz FC 2-0 in an hneh. Carlo Ancelotti hote hian hnehna chang mah se nizana Getafe hmachhawntu Barcelona chu point 10 ngawtin an pha lo.

Estadio Nuevo Mirandilla-ah team pahnihin chance ngah ve ve mah se goal a lut lawk lo. Real Madrid goal khung khawl Karim Benzema vanneih zan a ni lo a, French forward Cadiz keeper tluk hnuah crossbar a pet per.

Second half-ah Rodrygo-a'n chance ṭha a hlah a, Benzema-a'n goal ban pet per mah se an vanduai reng lo. Minute 72-naah Nacho-a'n box pawn aṭangin goal kil takah a pet goal a, Marco Asensio-a'n minute 76-naah cool takin a khung leh bawk.

Ancelotti hoten an phu angin point thum an hlawh chhuak a, UCL lamah rilru an pe chhunzawm ang. April 18, Nilainiah Los Blancos hian Chelsea hmachhawn turin Stamford Bridge an tlawh ang.