Champion lai Tsitsipas leh Medvedev an tla

Monte Carlo Masters champion lai Stefanos Tsitsipas leh seeded pathumna Daniil Medvedev te an tla. Greek tlangval Tsitsipas hian a zawna vawi thum champion nih a tumna a tihlawhtling thei ta lo.

Nizan khan Andrey Rublev leh Holger Rune ten nomawi an inchuh zui a, chanchinbu buatsaih lai hian result kan hre hman lo. Monte Carlo Masters hi French Open inbuatsaihna zinga tournament hmasa leh ngaihhlut hlawh a ni.

Kum 24 mi Tsitsipas hi champion tura rinkai a ni leh a, mahse quarterfinal inkhelah Taylor Fritz lakah 6-2, 6-4 in a chak lo, inkhelh tir lam game hmasa pali chu a hloh vek hial - Fritz hian semifinal-ah Rublev chu 5-7, 6-1, 6-3 in a hneh lo ve leh thung.

Russian tlangval Medvedev hi Holger Rune lakah 6-3, 6-4 in a chak lo thung, a tum ram thleng chiah lo mah se season dang ngaihtuah chuan clay court-ah a khel ṭha pangngai hle - French Open atan pawh beisei a nei thei ang.

Miami Open champion hian a match hmasa lamah Alexander Zverev hneh turin darkar thum chuang a hmang a, a chau tih a lang. Hnehna changtu Denmark tlangval Rune hian Jannik Sinner chu 6-1, 5-7, 5-7 in a hneh zui a, final a lut a ni.