MBA Inter Club tournament awm tawh dawn

Mizoram Badminton Association Annual General Body Meeting (AGM) chu April 14 khan Mizoram Pollution Control Board Conference Hall-ah neih a ni a, rorel langsar zingah session hmasa lama tel lo MBA Inter Club Team Championship tournament neih tura rawtna awm chu pawm a ni - MBA hian kum 2023-2024 chhung tournament vawi sarih nei turin a rel bawk.

MBA president Lallianzuala Hnamte chuan AGM hi kaihruaiin, agenda pawimawh tak tak sawi ho a nih bakah 2023-2024 season atan MBA Calendar duan a ni. MBA transfer session chu April 15, aṭanga hawn ṭan niin, May 15 thleng transfer hi tih theih a ni dawn.

Mizoram Badminton Association hnuaiah hian District Badminton Association 13 an inziaklut a, club 218 awmin, player 11,556 -in registration an ti. 2022-2023 chhungin MBA-in tournament vawi 7 a buatsaih a, DBA 13-te hian tournament vawi 33 an huaihawt thei bawk a ni.

Kum 2022-2023 chhung hian National level-ah Mizoram shuttler eng emaw zahin medal an la thei bawk.