Neeskens-a'n training pe dawn

Netherlands Football Federation (KNVB) chuan khawvel hmun danga a kalpui ṭhin ni nga awh football coaching course - WorldCoaches chu vawiin aṭangin Aizawlah Dutch football legend Johan Neeskens hoin an ṭan dawn. KNVB leh MFA ṭangkawpin an buatsaih coaching course hi April 21, Zirtawpniah a zo ang.

Ajax leh Barcelona midfielder ropui Neeskens hian an ram Netherlands chu 1974 leh 1978 World Cup final a thlenpui ve ve a, 1974 final-ah hian minute hnihna lekah hmahruaina goal a khung. Inrinni khan Neeskens leh a thawhpuiten Aizawl an rawn thleng a ni.