Brendan Rodgers a lawm lo

Leicester City-in an ban tak Brendan Rodgers chuan a hna a chan chu mak a tih thu a sawi a, a club chhuahsan tak Foxes kha season tawp thleng enkawl ni se la chuan Premier League khel zel tura a inhamtanpui theih a rin thu a sawi.

Premier League match 28 an khelh tawh chinah Leicester City hian point 25 an hmu a, table-ah chuan a hniam ber dawt an ni. A him china awm Bournemouth an phak lohna chu point hnih chauh a ni a, match khat lekah an dinhmun a inthlak thei.

Rodgers chuan, "Ka chhuak mai hi ka hrethiam loin mak pawh ka ti hle. Season tawp thleng awm ni ila chuan nakkuma Premier League khelh zel theihna tur point chu kan hlawhchhuah ngei chu ka ring.

"Kei leh ka thawhpuite khan ni tin theihtawp kan chhuah a, engtik niah emaw chuan kan hnathawhte hi ka la chhui kir ve ang a, chhuang takin kan la sawi ve ngei ang," tiin a sawi.

Rodgers kaihhruaina hnuaiah Foxes hian 2021 khan FA Cup nomawi an chawi a, tuna a lan dan mai chuan nomawi pakhat lek chawi belh leh tur pawhin an harsat dawn, manager lailawk Adam Sadler leh Mike Stowell te tan EPL-a inhamtan tum chu hna ber tur a ni ang.