Netherlands Football Federation leh MFA Coaching Course

Netherlands Football Federation (KNVB) chuan khawvel hmun danga a kalpui ṭhin ni nga awh football coaching course - WorldCoaches chu April 17-21, 2023 chhung hian Mizoram Football Association nen ṭang kawpin Aizawlah an buatsaih dawn.

He football coaching course hi KNVB pawmpui certificate course niin Dutch football legend Johan Neeskens chu chief instructor a ni ang.

WorldCoaches-a inziak lut tur hian AIFF hnuaia coaching license nei tawh duhsak an ni ang a, a bikin hmeichhe tán seat hauh a ni ang.

WorldCoaches-a a hotupa atana KNVB-in an rawn tirh tur Neeskens hi Ajax leh Barcelona striker ropui a ni ṭhin a, Netherlands tan 1974 leh 1978 World Cup khelin final a luhpui ve ve a, 1974 World Cup final-ah goal a thun nghe nghe.

Football a chawlhsan hnuah coaching luhchilhin Guus Hiddink leh Frank Rijkaard-te hnuaiah Netherlands Assistant Coach a lo ni ve ve tawh a, Rijkaard-a hnuaiah Barcelona leh Galatasaray lamah pawh Assistant Coach a ni tawh.

Khawvel huap football coach ropui hnuaia coaching programme-a tel duh tan MFA Facebook page lamah inziah luhna tur link a awm.