Rajasthan aia vannei zawk Neroca

Hero Super Cup chu April 3, Thawhṭanni zan aṭang khan Kerala-ah khelh ṭan a ni a, first qualifying round-ah Neroca chuan Rajasthan FC chu penalty shootout hmangin an hneh.

Manjeri Payyanad Stadium-a inkhelah Rajasthan United leh Neroca ten foreigner an chhawr lo ve ve. Lunminlen Haokip hmangin Neroca-in first half injury time-ah hma an hruai a, Rajasthan-in Kharpan hmangin minute 65-naah an sut.

Hun pangngaiah chak zawk an awm lo a, extra time-ah Lengpui tlangval Lalremsanga'n Rajasthan hmahruaina goal a khung a, Neroca player Lallenmang Sitlhou chu hnawhchhuah ni bawk.

Player 10-a khel Neroca an tlawm duh lo a, extra time-ah pawh injury time-ah Sweden Fernandes hmangin siphurh an sut. Neroca-in keeper Subham Das aiah Soram Poirei an luhtir a, Aizawl FC keeper hlui hian vawi thum ngawt a dang. Manipur club hi penalty shootout-ah 3-1 in an chak a, zanin hian Sreenidi Deccan an hmachhawn lehnghal ang.

Second qualifying round hi zanin aṭanga khelh ṭan tur a ni a, inkhel dangah Gokulam Kerala leh Mohammedan SC te an inkhel bawk ang.