
MS Dhoni-a'n bowler te a vau
Chennai Super Kings chuan Thawhṭanni zan khan an mual MA Chidambaram Stadium, Chennai-ah Lucknow Super Giants chu 12 runs-in an hneh.
CSK hian hnehna chang mah se captain MS Dhoni chu bowler-ten 'extras' an ngah avangin a lungawi lo a, an insiamṭhat loh chuan captain thar an neih tur thu a sawi.
Thawhṭanni zan inkhelah hian Super Giants-in vawm hmasak an thlang a, Chennai-in Ruturaj Gaikwad (57), Devon Conway (47) leh Ambati Rayudu (27*) te chet ṭhat zarah 217/7 runs an tlin pha hial.
CSK tan awlsam taka chak theihna tur niin lang mah se an bowler-ten wide 17 leh no ball pasarih an nei. Lucknow hian over tawp ber thlengin chak beiseina an la nei a, over 20-ah 207/7 runs an siam.
Captain cool tia sawi ṭhin Dhoni hian inkhelh banah a bowler-te chunga a lungawi lohna hi bung takin media hmaah a sawi. Chennai Super Kings hian April 8, Inrinni zanah Mumbai Indians an hmachhawn dawn - CSK bowler-te en bik an ni ang.
Zanin dar 7:30 hian hian IPL-ah Rajasthan Royals-in Barsapara Stadium, Guwahati-ah Punjab Kings an hmachhawn ang.