Jordan-a pheikhawk $560,000 in an hralh

Basketball legend Michael Jordan-a hming ziak chuanna pheikhawk 'trainers' chu $560,000 (£463,000) in an hralh a, online hmanga lilamna neihah record a siam. Jordan hian 'Nike Air Jordan 1s' hi Chicago Bulls tana a season hmasa ber kum 1985-a a bun a ni.

India pawisa chuan Jordan-a pheikhawk an hralhna hi cheng nuai 425 vel a ni a, Chicago Bulls beisei zat $100,00-$150,000 a rawn khum chiang hle. Nikum khan Nike kut chhuak tho 1972 Moon Shoes chu $437,500 in an hralh a, he record hi Jordan-a pheikhawk hlui hian a rawn khum.

April 19 aṭang khan Netflix documentary - The Last Dance an ti chhuak a, hetah hian Jordan hoa Chicago Bulls-in NBA title vawi rukna an lak dan chanchin a ni a. He documentary avang hian baskebtall legend Michael Jordan a lar thar leh hle.