WPL-ah Mumbai an champion

Women's Premier League final chu Pathianni zan khan Mumbai-ah khelh a ni a, Mumbai Indians chuan Delhi Capitals wicket sariha hnehin an champion.

WPL hmasa berah hian team panga an tel a, league round-ah Delhi leh Mumbai hian point 12 ve ve hmu mah se NRR ṭha zawk Capitals-in final an lut nghal. Mumbai Indians hian final lut turin UP Warriors an hneh a, final-ah an chak zui bawk.

Final-ah Delhi-in bat hmasak an thlang a, 131/9 runs an siam. Mumbai-in 19/3 overs-ah 134/3 runs siamin hnehna an chang a, Mumbai opener Hayley Matthews chu player of the tournament-ah thlan a ni.