Arm wrestling inelna a hlawhtling

Mizoram Arm wrestling Association buatsaihin Mizoram State Arm Wrestling Championship leh Novice Arm Wrestling Championship chu March 24-25 khan hlawhtling taka neih a ni.

Inelna hi Ramhlun Indoor Stadium-ah neih niin, infiammi 300 chuang an fuan khawm. State Championship hi a vawi 25-na niin Novice Championship hi ṭum lina a ni thung.

State Championship (senior)-ah hian Men weight category pariatah ṭhen a ni a, women (senior) weight paliah ṭhen a ni a, heng te bakah hian kum 18 hnuai lam tan inelna siam a ni bawk.

Champion of the Champion tur zawn a ni. Man (senior) Weight tin champion player pariatin Mizoram chhunga arm wrestling players chak ber Champion Of The Champion zawnna an nei.

Final-ah National COC ni lai pahnih ten Best Of Three hmuhnawm taka khelin, ITI tlangval Lalruattluanga, National Champion Of The Champion ni lai chuan OP-a 2-1 a hnehin Mizoram Arm Wrestling Champion Of The Champion a ni.