Boro an chak nuamsa

Middlesbrough chuan Michael Carrick hnuaiah season thara Premier League khelh beiseina an chhi nung zel a, Inrinni zan khan Preston North End chu 4-0 in an sawp.

Boro tan Chuba Akpom-a'n hmahruaina goal a khung hnuah Cameron Archer-a'n goal hnih a belh a, injury time-ah Marcus Forss-a'n goal khat a belh leh bawk.

Carrick-a hote hneh Preston hian match sarih chhung an chak zawn tawh a, amaherawhchu Boro lakah erawh an zawr thung. Playoff khelh inbeisei zinga mi Luton Town erawh Sunderland nen 1-1 in an inhnehtawk.

Boro hian match 38 aṭangin point 67 an hmu a, pathumnaah awm mekin an chunga awm Sheffield United hi point thum chiahin an pha lo. Chutihrualin Blades hi match khatin an khel tlem a, Boro nen an inthlauhna hi point ruk a la ni thei a ni.