Masters 1000 title la thei upa ber Bopanna

India tlangval tennis khel thiam Rohan Bopanna chuan kum 43 mi a nih hnuah mellung a phun. BNP Paribas Open-a doubles huangah Bopanna leh a ṭanpui Matthew Ebden te an champion.

Grand Slam dawta ngaihhlut ATP Masters 1000 huangah Bopanna hi title ka thei upa ber a ni. Nomawi chawi tur hian Wesley Koolhof leh Neal Skupski te ṭangdun chu 6-3, 2-6, 10-8 in a hneh.

Bopanna chuan, "Champion tur hian match hautak tak tak kan paltlang, final bik pawh a awlsam lo hle. Tennis player ten inkhelh nuam kan tihna hmuna kan champion thei hi ka lawm," a ti, atan chuan hun hnunhnung lam zel a ni tawh.