Inhnek paruk a awm dawn

Zanin dar 8:00 hian Dawrpui Multipurpose Centre-ah Tata SK 710 Fight Night 3 chhunzawm a ni dawn a, inhnek paruk a awm ang.

Bantamweight-ah Lanz Kamei chuan tunlai Mizo boxer ṭha Laldinsanga a tum dawn. LPS Pro Fight flyweight champion Dinsanga'n professional match vawi thum a khelh tawhah a bitum a knockout vek a, Lanz hi a huphurh hran lo ang.

Assam champion vawi li ni tawh Bastab Chetia chu Siaha fighter Daniel Beipasasa hmaah a ding dawn, boxer pahnih sulhnu leh an khelh dan enlet chuan cruiserweight hi a hmunawm a rinawm.

Kum 2015 Pro Fight bantamweight champion HC Lalramfela'n insiam thar a mamawh a, professional a luhchilh aṭanga vawi li a chak zawn hnuah harsatna tawkin, a inhnek hnuhnung vawi hnihah a tlawm a, Swarupam Bhattacharjee nen lightweight-ah an intawng ang.