Punjab-in nomawi an chawi dawn

Tun season I League chu tunkar tawp hian khelh zawh a ni dawn a, RoundGlass Punjab-in match khat khelh hmabak nei chungin champion an nemnghet tawh. Punjab hian March 12, Pathianniah Trau an mikhual ang a, inkhelh zawhah nomawi an chawi ang. RoundGlass-ah hian Mizo panga Hmingthanmawia (Valpuia), Brandon VL Remdika, Freddy Lallawmawma, Daniel Lalhlimpuia leh Samuel Lalmuanpuia te an awm a ni.

Indian Super Cup khelh tur a la awm avangin Aizawl FC tan pawh khelh chhan tur a la awm. Super Cup-ah hian pakuana leh 10-na ten qualifier 1 an khel dawn a, Mizo club hi pasarihna aṭangin pakuana emaw 10-na emawa la tla thei an ni. Chutihrualin AFC hian an match hnuhnung bera Kenkre an hneh a nih chuan Super Cup qualfier 1 khelh ngai loin qualifier 2 aṭangin an khel ṭan ang.

ISL club 11 bakah I League champion RoundGlass Punjab ten group stage aṭangin bul an ṭan dawn a, qualifier aṭanga tling paliten an zawm bawk dawn a ni.