Mizoram Fight Night Boxer-te weight a dik vek

GIG Motors Mizoram Fight Night 2023 semifinal chu February 4, Inrinni leh February 6, Thawhṭanni zan hian Dawrpui Multipurpose Centre-ah khelh a ni dawn a, nimin khan boxer-te Millenium Centre kawtah an inbuk a, staredown an nei nghal.

Boxer-te weight a dik vek a, semifinal-ah an inlan thei vek dawn. Final khel tur zawnnaah hian en man a awm tawh dawn a, en man hi Rs 50, Rs 100 leh Rs 200 a awm ang. Inelna a sang tawh a, Dawrpui Multipurpose Centre-ah mipui an len hnem loh avangin ticket ngaihven ran a pawimawh dawn. Boxer-te hi an veng ṭheuhin an ṭawiawm ṭha tawh dawn a, Fight Night boruak pawh a sang sawt ang.

Fight Night-ah hian mipa boxer 116 leh hmeichhe boxer 25 te an inbuk a, an vai hian boxer 141 an tel. Mipa inelna hi category panga flyweight (48-52), featherweight (52-57), lightweight (57-63), welterweight (63-69) leh light heavweight (75+) ah te ṭhen a ni a, hmeichhe inelna hi category pathum fly weight (51 kg below), featherweight (57 kg below) leh lightweight and above (60 kg) ah te ṭhen a ni.