FA Cup champion ngun ber Arsenal

Khawvela football inelna upa ber FA Cup third round chu zanin aṭangin khelh ṭan a ni dawn a, Premier League club-te an inlan ṭan dawn. FA Cup-ah hian Arsenal chu record nei ṭha ber an ni a, vawi 14 ngawt an champion tawh. Gunners hi Manchester United (12), Chelsea (8), Liverpool (8) leh Tottenham Hotspur (8) ten an dawt a ni.

FA Cup champion hian Europa League an khel thei a, champion lai chu Liverpool an ni. Nikum khan Reds hian final-ah Chelsea chu penalty shootout hmangin an hneh.