Blind-a'n Bayern a zawm dawn

Manchester United defender hlui Daley Blind chuan tun thlasik bazarah Bayern Munich a zawm dawn. Ajax-ah Blind hian thla ruk daih contract la nei mah se December thla khan club nen inhriatthiam tawnnain an titawp.

FIFA World Cup hnuhnung berah khan Blind hi Louis van Gaal hnuaiah player pawimawh a ni a, quarterfinal-ah champion zui ta Argentina chu penalty shootout hmangin an hneh lo.

Kum 32 mi Blind hi Ajax aṭanga inzir chhuak a ni a, kum 2008 khan Ajax tan khel ṭanin kum 2010 khan Groningen-ah loan-in an chhuak. 2012-13 season khan Ajax hi a zawna vawi li nan Eredivisie-ah an champion a, Blind hi Dutch footballer of the year atan thlan a ni.

Dutch defender hian kum 2014 khan Manchester United a zawm a, English club hi FA Cup, League Cup leh Europa League-ah a champion pui. Kum 2018 khan Ajax-ah a kir a, Champions League semifinal an thlen khan player pawimawh a ni.