Kerala an chak, Mizoram tan chak a ngai

Santosh Trophy vawi 76-naah nimin tlai khan Kerala chuan Jammu & Kashmir 3-0 in an sawp a, champion lai leh inelna thlengtu Kerala hi group match hnuhnung ber khelh hmain hmahruaitu an ni.

Kerala hian January 8, Pathianni tlai dar 3:30 hian group match hnuhnung berah Mizoram an hmachhawn dawn. Samson Ramengmawia hote hi Kerala aia an goal difference a chhiat zawk avangin group hmahruaitu nichunga final round lut turin chak ngei a ngai ang.

Tun ṭum inelnaah hian group hmahruaitu paruk bakah pahnihna pathumin final round an tling nghal dawn. Final round-ah hian Services leh Railways an tling sa a, inelna thlengtu nen team 12 an nichiah ang. Inelna thlengtu hi tih chian la ni lo a, final round tling tawhin an thlang a nih chuan Mizoram hi pahnihna pawh ni se first round hi an paltlang ang.