Heinze-a'n an ram club enkawl dawn

Newell's Old Boys chuan an player hlui Gabriel Heinze chu an manager thar a nih thu an puang. Heinze hi Argentine club aṭanga bul ṭantu hi a ni a, a chawr chhuahna club enkawl hi atan chawimawina a ni tel ang.

Argentine defender Heinze hi a vanglai chuan hriat hlawh ve tak a ni ṭhin. European club lian Real Madrid, Manchester United leh Paris St-Germain tan te pawh a khel phak a ni.

Tunah chuan kum 44 mi a ni tawh a, inkhelh a chawlhsanna pawh a rei tawh. Tun hmain Argentine club Godoy Cruz, Argentinos Juniors leh Velez Sarsfield te pawh a lo enkawl tawh.

Argentina tana match 72 kheltu Heinze hian manager lailawk Adrian Coria a thlak dawn. August thla khan coach Javier Sanguinetti a bang a, tun thlengin Coria hian a enkawl lailawk, tunah chuan manager nghet an nei ve leh ta a ni.