Italian Serie A club Lazio an hrem dawn

Italian Serie A club Lazio chu Sassuolo 6-1 an an sawp ṭumin an fans lamin an khingpui player pahnih Alfred Duncan leh Claud Adjapong te chu chi inthliarna rawngkaia player an auh el avangin hrem an ni dawn a, league match hnih chhung chu Stadio Olimpico stadium chhunga stand ṭhenkhatah fans an ṭhu thei lo ang.

Serie A dan leh hrai lekkawhtute chuan, "Curva Nord stand-a awmte khan chi inthliarna an lantir a, football hmai ti bal thei thil a nih avangin an chungah hremna lekkawh a ni," tiin an sawi. Lazio hian October 22-ah Cagliari an mikhual dawn a, November 5 hian Udinese nen an inkhel leh bawk ang.