Ronald Araujo a chawl rei dawn

Barcelona chuan an defender Ronald Araujo chu a malpui hliam zai a nih tur thu an sawi a, thla thum vel a chawlh a ngaih dawn avangin an ram Uruguay pawhin World Cup khelh hunah an chhawr thei dawn lo niin a lang.

Uruguay leh Iran ten friendly match an khelh ṭumin Araujo hi a inhliam, minute tam pawh a khel hman lo. A hliam chungchang hi Barcelona coach Xavi Hernandez nen an sawi dun hnuah, medical staff lamin zai chu a tana ṭha ber tur niin an sawi.

Barcelona chuan thuchhuah siamin, "A hmasa berah chuan a hliam hi zai phawt a ni ang, a hnu lama enkawl dan tur chu la sawi thar leh tur a ni ang," tiin an sawi a, game a khelh loh tur zingah Real Madrid nen El Clasico an khelh tur pawh a tel.