Hockey inelna an ṭan

Nimin aṭang khan Hockey Mizoram buatsaih - Mizoram Open 5s Hockey Tournament chu Chaltlang khelmualah khelh ṭan a ni a, inkhel a hmuhnawm nghal hle.

Tournament ṭan niah hian, mipa inelna lamah - Phulpui, Sihphir, Notea & Atea Memorial ten hnehna an chang nghal a, hmeichhe lamah Outlaws leh Durtlang te chuan hnehna an chang ve bawk. Vawiin hian a hmun ngaiah inelna a awm chhunzawm ang.

Mizoramah ruahtui a tam ṭhin a, hockey khel tur chuan phullem emaw phul tak chunga khelh loh chuan harsatna a tam. Hockey ball a te a, chirhdiak nen chuan a inmil vak lo, niminah pawh khelmual diak vangin harsatna ṭhenkhat a awm.

Mizoram hian hockey player zingah Olympian Lalremsiami Hmar kan nei, ani hi Thenzawl Hockey Training Center aṭanga inzir chhuak a ni. Hockey Mizoram chuan Aizawl leh a chhehvela hockey khelhna tur hmun bik an nei lo chu an harsatna pakhat a nih thu Vanglaini an hrilh.

Nimin Inkhel Results
Mipa
D2 Durtlang 1 - 7 Phulpui
Sihphir 2 - 1 North Lungleng
Notea & Atea Memorial 7 - 3 FTF Hockey Team Kawnpui
Hmeichhia
Outlaws 3 - 0 Hlimen
Durtlang 6 - 2 Hmigliani Hockey Team