Saudi Arabia-ah MotoGP tlan dawn

MotoGP promoter Dorna leh Saudi Motorsport Company chuan inremna an ziak fel a, a hun tur tak tarlan la ni lo mah se tun aṭanga season rei vak loah Saudi Arabia ram chuan bike intlansiakna sang ber a thleng ngei dawn niin a lang ta.

Thuchhuah siamin MotoGP chuan, "Saudi Arabia rama intlansiakna kan nei thei a nih chuan hmasawnna nasa tak a ni ang, tun dinhmunah Middle East-ah hian Qatar GP chauh a awm, hmun dang a awm belh theih tur hi a lawmawm," an ti.

Ruahman dan chuan intlansiak hi Qiddiya tlankawngah neih a ni ang. Saudi Arabia hian 2020 thleng khan motor intlansiakna chi dang Dakar Rally an lo thleng tawh ṭhin, Formula 1 pawh an thleng - an tan bike intlansiakna dang thlen leh hi thil harsa a ni lo ang.