Goal khung khawl Lewandowski

Robert Lewandowski-a'n goal khung a ṭhulh thei lo - Polish striker hian Nilaini zan khan hattrick a siam leh ta a, Champions League-ah Barcelona chu Viktoria Plzen lakah 5-1 in hnehna a chanpui leh ta.

Barcelona tan Lewy bakah Franck Kessie leh Ferran Torres te chuan goal khat ve ve an khung bawk a, Nou Camp-a an mikhual lakah ṭhat an chhuah duh lo - minute 13-na lekah Kessie hian goal hmahruai a khung der tawh.

Minute 34-naah Lewy inlarin, an goal hnihna a khung ve leh a, mahse, Czech club-in fan-te tana beiseina siamin, minute 44-naah Jan Sykora hmangin si phurh an sut a, Nou Camp thawm a reh.

Mahse, club lian zawk, squad chhah zawk, mahni muala khel an ni miau a, Barca-in chak loh an duh lo - Lewy chuan first half hun pek belhah a goal hnihna a khung leh a, 3-1 in chawlhlawk an hmang.

Second half-ah thawnthu a danglam lo. Kum 34 mi Lewy bawk a inlar a, minute 67-naah an goal lina leh hattrick a siamna goal a khung a, chak tur a chiang tawh - mahse, Manchester City forward hlui Torres chuan minute 71-naah a belh leh hram a, Barca tan khelh a phu tih a pholang.

Viktoria Plzen boss Michal Bilek chuan, "Lewandowski khan a class a pholang a, tam takin khawvela forward ṭha ber pawla an ngai pawh hi a phu takzet a ni," a ti a, an khingpui striker a fak.

Poland international Lewandowski hian July-a Bayern Munich a chhuahsan hnuah Barcelona tan inelna hrang hrangah match nga a khel ta a, goal riat a khung der tawh!

Lewy hian Borussia Dortmund, Bayern Munich leh Barcelona tan Champions League-ah hattrick a siam ta a, European football-a club inelna sang bera club pathum tana hattrick siam thei hmasa ber record a siam.

Bayern tan match 374-a goal 344 khung thei striker hian Champions League groyp stage-a a match hnuhnung 20-ah goal 32 a khung tling ta a, CL-a goal khung hnem lamah pathumna (89 goals) niin, Cristiano Ronaldo (140) leh Lionel Messi (125) chiah a phak lo tawh.

September 6, Thawhlehni Zan
 Group E  Results
Dinamo Zagreb 1 - 0 Chelsea
DIN: Mislav Orsic 13'
Red Bull Salzburg 1 - 1 AC Milan
RBS: Noah Okafor 28'
ACM: Alexis Saelemaekers 40'
 Group F
Celtic 0 - 3 Real Madrid
REM: Vinícius Júnior 56'; Luka Modric 60'; Eden Hazard 77'
RB Leipzig 1 - 4 Shakhtar Donetsk
RBL: Mohamed Simakan 57'; Marian Shved 16', 58'; Mykhaylo Mudryk 76'; Lassina Traoré 85'
SHA: Mohamed Simakan 57'
 Group G
Borussia Dortmund 3 - 0 FC Copenhagen
BOR: Marco Reus 35'; Raphaël Guerreiro 42'; Jude Bellingham 83'
Sevilla 0 - 4 Manchester City
MNC: Erling Haaland 20', 67'; Phil Foden 58'; Rúben Dias 90+2'
 Group H
Paris Saint-Germain 2 - 1 Juventus
PSG: Kylian Mbappé 5', 22'
JUV: Weston McKennie 53'
Benfica 2 - 0 Maccabi Haifa
BEN: Rafa Silva 49'; Álex Grimaldo 54'

September 7, Nilaini Zan
 Group A
Ajax 4 - 0 Rangers
AJA: Edson Alvarez 17'; Steven Berghuis 32'; Mohammed Kudus 33'; Steven Bergwijn 80'
Napoli 4 - 1 Liverpool
NAP: Piotr Zielinski 5' (P), 47'; Andre-Frank Anguissa 31'; Giovanni Simeone 44'
LIV: Luis Diaz 49'
 Group B
Atletico Madrid 2 - 1 FC Porto
ATM: Mario Hermoso 90+1'; Antoine Griezmann 90+11'
FCP: Mateus Uribe 90+6' (P)
Club Brugge 1 - 0 Bayer Leverkusen
CLB: Loubadhe Sylla 42'
 Group C
Barcelona 5 - 1 Viktoria Plzen
BAR: Franck Kessie 13'; Robert Lewandowski 34', 45', 67'; Ferran Torres 71'
VIK: Jan Sýkora 44'
Inter Milan 0 - 2 Bayern Munich
BAY: Leroy Sané 25'; Danilo D'Ambrosio 66' (OG)
 Group D
Eintracht Frankfurt 0 - 3 Sporting Lisbon
SPL: Marcus Edwards 65'; Francisco Trincão 67'; Nuno Santos 82'
Tottenham Hotspur 2 - 0 Marseille
TOT: Richarlison 76', 81'