Mizoramin quarterfinal an lut

9th September, 2022

New Delhi-a khelh mek Subroto Cup Sub Junior inelnaah Mizoram chuan nimin khan Zinc Football 2-1 in an hneh a, quarterfinal an lut.

Under 14 inelnaah hian Mizoram team hi Govt Chawngfianga Middle School, Kolasib hmingin an kal a, player-te hi SYS enkawl Saidan Football Academy-a inzirte an ni.

Quarterfinal hi September 11, Pathianni hian khelh a ni dawn a, Mizoram hian group A pakhatna an hmachhawn ang. Group A-ah hian Chandigarh, NCC, CBSE leh Uttarakhand te an awm a ni.