Bayern Munich an chelh leh tawh

Bundesliga-ah champion lai Bayern Munich-in match zawnin point an hloh. Bavarians hian season bul ṭan ṭha viau mah se Inrinni zan khan Union Berlin nen 1-1 in an inhnehtawk a, Robert Lewandowski awm loh a lang.

Julian Nagelsmann-a hote hian match nga khelh aṭangin tlawm la nei lo mah se ṭum hnih an khingpui nen an inhnehtawk avangin point 11 an hmu a, an chungah SC Freiburg leh Borussia Dortmund te an awm.

Alte Forsterei-ah mualneituin bul an ṭan ṭha a, Sheraldo Becker-a'n minute 12-naah hmahruaina goal a khung nghal. Dutch winger Becker hian match ngaah goal a khung a, season liam ta aiin goal a khung hnem tawh zawk.

Bayern-in na takin an nawr let a, minute 14-naah Joshua Kimmich-a'n ṭha zetin siphurh a sut. Bavarians hian inkhel thunun mah se goal an khung belh thei lo a, Leroy Sane leh Sadio Mane ten hun ṭha an bawhpelh.

Inkhel dangah Dortmund-in Hoffenheim 1-0 in an hneh a, SC Freiburg-in 3-2 in Leverkusen an hneh bawk. Freiburg leh Dortmund hian point 12 ve ve an hmu tawh a, pakhatna leh pahnihnaah an awm a ni.