Zaninah India Vs West Indies

India leh West Indies te chuan zanin dar 7:00 hian Queen's Park Oval, Port of Spain, Trinidad and Tobago-ah ODI match thum an khelh tura a tawpna ber an khel dawn. Men in Blue hian match hmasa hnihah hnehna chang mah se team pahnih hian match hnihah 300 runs an siam ve ve avangin match thumna pawh hi a hmuhnawm tho ang.

Match hnihnaah Axar Patel-a'n India a chakpui a, ball 35-ah thi loin 64 runs a siam avangin zaninah pawh en bik a hlawh dawn. Chutihrualin captain Shikhar Dhawan hian match hmasa berah 97 runs a siam tih hriat a ṭha a, West Indies lakah series 3-0 a lak ngei an tum ang.