Vawiinah LBS Suzuki All Mizoram Inter Village Football Tournament 2022 Semifinal ; Tlai dar 3:30-ah Lengpui Vs Champhai Kanan
LBS Suzuki All Mizoram Inter Village Football Tournament 2022 semifinal-a inkhel hmuhhnawm tur zawka ngaihah Lengpui leh Champhai Kanan chu dar 3:30 hian Lammualah an inkhel dawn.
Lengpuiin Aizawl FC striker F. Lalremsanga an kawl a, Champhai Kananin goal 11 khung thei R. Ramdinthara leh a nau Laltlanzova (goal ruk) te an kawl. Attacking football hmuhnawm thlir tur awm tur a awm ang.
Lengpuiah India international hlui Lalchhuanmawia a awm a, captain Joe Zoherliana hi ISL-a player 'hot' tak ni phak a ni. Champhai Kanan captain Chhawnkima hi I League defender kumhlun a ni a, an midfielder Lalramsanga a hmuhnawm.
Fan lam hi
Entu lamah chuan buai a ngai lo. Lengpui leh Champhai Kananin football hmuhnawm an lantir avangin tlang lam chu tualchhung football ngainatuten an tikhat zo dawn.
Lengpui hi Aizawl khaw pawn aṭanga Central YMA Football nomawi chawi thei an ni a, Lammualah hian an tlangnel a, ṭantu pawh an nei ṭha. Semifinal inkhel thlir turin Lengpui an rawn thawk chhuak dawn a, an ṭhahhnem dawn tih a chiang.
Champhai Kanan pawhin ṭantu an nei ṭha thawkhat a, semifinal a nih tawh avangin an thlenna football thiam veng Electric Vengin an ṭawiawm dawn. Champhai khaw chhuak ṭhahnem tak Aizawlah an awm tih hriat a ṭha.
Champhai lam hi
Champhai Kanan hian MFA Cup best player Lalramsanga an kawl a, tun tournament hma hian Upa C. Keikhuama Memorial Football Tournament an khelh avangin match fitness an nei ṭha hle.
MFA Cup hnuhnung ber hi Saitualin an thleng a, Champhai DFA tirh an champion. An district chhungah Inter Village Football inelna an zawh chiah bawk avangin an inringtawk.
Tlarhmaah Tharpuia (Samvara)hian fak hlawh viau mah se a nau - Zozoa hi Khelo India-a Mizoram champion puitu kha a ni a, a hmuhnawm zawk hial em?
Midfield-ah Ramsanga'n ball a sem kual a, tlarhnungah tawnhriat nei ṭha Chhawnkima'n team a ho ṭha hle. Goalkeeper Zosangliana hi penalty shootout vawi thum chakpuitu a ni.
Lengpui nge nge
Lengpui hi coach Rohmingthanga'n a ho a, Pa Roa hian a hote hi a hre chiang a, an team pawh an ṭhat phah hle. Lengpui tlarhnungah hian Pa Roa nau Chhuantea a awm a, tlarhnung tikhawngtu a nih bakah mamawh hunah a la striker thei bawk.
Tlarhma lama an chhuanvawr Aizawl FC striker Remsanga hian goal 10 khung tawhin team tan mawhphurna a la ngam - India junior team-a khel tawh Rokima'n a thlawp a, goal hmaah an hlauhawm hle.
Lengpui hian semifinal kalkawngah hian Sesawng VC II chu 12-0 in sawp bawk mah se inkhel dangah chuan goal hnih bak an khung meuh lo. Hemi awmzia chu coach Rohminga hian an chak dan tur tawkin game plan a siam a, uchuakin goal an khung tam lo.
Midfield-ah captain Joe Zohera a ṭangkai a, NE United player hi Cham-phai chhuanvawr Ramsanga nen an inhmachhawn dawn. En a châkawm.
Semifinal kalkawng
Lengpui VC Team
Pld - 6 Goal For -22 Goal Against -2 Clean sheet - 4
First Round
Lengpui VC 3 - 0 Kawnpui VC III
LEN : Joe Zoherliana 42'; Vanlalhruaitluanga 45'; F. Lalremsanga 74'
Second Round (Round of 128)
Lengpui VC 12 - 0 Sesawng VC II
LEN : F.Lalremsanga 17', 33', 46', 51', 65'; Vanlalhruaitluanga 20', 76'; Lalchhanchhuaha 30'; Joe Zoherliana 32', 83'; Benjamin Lalhmangaiha 62', 74'
Third Round (Round of 64)
Lengpui VC 2 - 0 Zanlawn VC
LEN : F.Lalremsanga 25'; Lalrokima 80'
Fourth Round (Round of 32)
Lengpui VC 2 - 0 Sihphir Venghlun VC
LEN : F.Lalremsanga 55'(P); Lalrokima 56'
Fifth Round (Round of 16)
Lengpui VC 1 - 1 Seling VC
Penalty Shootout-ah Lengpui 3-2 in an chak
LEN : Lalremsanga 2'
SEL : F. Lalhmangaihzuala 41'
Quarterfinal
Hnahthial Jt. VC 1 - 2 Lengpui VC
HNA: Joseph Vanlalhruaia 54' (P)
LEN: F. Lalremsanga 90+1 (P); Joe Zoherliana 97'
––––––––––––––––––––––––––––––––––––––––––––––––––––––––––
Champhai Kanan VC Team
Pld - 6 Goal For - 24 Goal Against - 10 Clean Sheet - 2
First Round
Champhai Kanan 10 - 2 Thenzawl East
CHA : R Ramdinthara 1', 8', 10', 18', 27', 47'; Laltlanzova 13', 28'; Lalramsanga 62'; H. Lalmuankima 86'
THE : Malsawmtluanga Ralte 75'; Remsangpuia 84'
Second Round (Round of 128)
Champhai Kanan 5 - 5 Serchhip Jt VC
Penalty Shootout-ah Champhai Kanan 5-4 in an chak
CHA : Laltlanzova 5', 22', 64'; R. Ramdinthara 7', 71
SER : Lalrinzuala 26', 45', 58', 61', 83'
Third Round (Round of 64)
Champhai Kanan 2 - 1 Melbuk VC
CHA : PC Lalengmawia 15'; Lalramsanga 58'
MEL : Lalnunmawia 85'
Fourth Round (Round of 32)
Champhai Kanan 5 - 0 Thakthing
CHA : C.Lalchhawnkima 22'; H.Lalmuankima 32'; F. Malsawmzuala 53'; R. Ramdinthara 78'; Laltlanzova 82'
Fifth Round (Round of 16)
Champhai Kanan 0 - 0 Vaivakawn
Penalty shootout-ah Champhai Kanan 5-4 in an chak
Quarterfinal
Republic Veng LC 2 - 2 Champhai Kanan VC
Penalty Shootout-ah Champhai Kanan 4-3 in an chak
REP: F. Lallawmkima 42'; Aron Vanlalrinchhana 71'
CHA: R. Ramdinthara 5' (P), 10'
––––––––––––––––––––––––––––––––––––––––––––––––––––––––––
Sialhawk VC Team
Pld - 6 Goal For - 34 Goal Against - 3 Clean Sheet - 4
First Round
Tuikual North LC 1 - 5 Sialhawk VC
TUI : Lalnundika 41'
SIA : R. Laldanmawia 18' 31'; Rotluangliana 23', 73'; Lalmuankima 63'
Second Round (Round of 128)
Samtlang VC 0 - 6 Sialhawk VC
SIA : R.Laldanmawia 29', 72'; Rotluangliana 36'; Grepa VL Hriatpuia 59', 66'; Lalfamkima 69'
Third Round (Round of 64)
Selesih VC 0 - 13 Sialhawk VC
SIA : Vanlalbiakdika 3', 33'; R. Laldanmawia 36', 37'; Crespo Vanlalhriatpuia 38'; Vanlalremruatpuia 40', 45', 47', 51', 75'; VL Malsawmtluanga 68' 79'; Vanlalmuanpuia 73'
Fourth Round (Round of 32)
Sialhawk VC 3 - 0 Kawnpui Venglai VC
SIA : Crespo Vanlalhriatpuia 45+1'; Laldanmawia 69', 85'(P)
Fifth Round (Round of 16)
Mamit Jt VC 0 - 3 Sialhawk VC
SIA : R. Laldanmawia 30'; Rotluangliana 32'; Vanlalduata, 90+2'
Quarterfinal
Farkawn VC 2 - 4 Sialhawk VC
FAR : Lalrinpuia 28', 81'
SIA : Lalmuankima 21'; Vanlalbiakdika 35'; Rotluangliana 92'; Vanlalduata 118'
––––––––––––––––––––––––––––––––––––––––––––––––––––––––––
Ramhlun North LC Team
Pld - 5 Goal For - 14 Goal Against - 5 Clean Sheet - 1
First Round - Bye
Second Round (Round of 128)
Ramhlun North LC 4 - 1 Ramhlun Venglai LC
RAN : V. Lalchhuanawma 43'; Lalpekhlua Jongte 65'; PC Lalhruaisanga 72'; K. Lalrosanga 74'
RVL : C. Vanlalnghaka 32'(OG)
Third Round (Round of 64)
Falkawn VC 2 - 4 Ramhlun North LC
FAL : Ramdintluanga 50'; Abel Lalruatfela 82'
RAN : PC Lalhruaisanga 17'(P), 37', 60'; Lalpekhlua Jongte 44'
Fourth Round (Round of 32)
Ramhlun North LC 1 - 0 Bawngkawn LC
RAN : K. Lalrosanga 65'
Fifth Round (Round of 16)
Ramhlun North LC 3 - 1 Thenzawl West VC
RAN : K.Lalrosanga 56', 81'; PC Lalhruaisanga 90+3'
THE : Lalhmingliana Kawlni 1'
Quarterfnal
Armed Veng South LC 1 - 2 Ramhlun North LC
AVS : Lalrammuanpuia 73'
RAN : K. Lalrosanga 48', V Lalchhuanawma 74'