LBS Suzuki All Mizoram Inter Village Football Tournament 2022 Quarterfinal Hlimthla

Lammual: Lammual artificial turf hi February 28, 2011 khan hawn a ni a, hetih hunlaia Sports & Youth Services minister Zodintluanga'n inkhawm kaihruaiin chief minister Lal Thanhawla'n a hawng.

June 9, 2011 khan Santosh Trophy Mizoram Team leh The Rest of Eleven ten Lammual thar lawmna exhibition match an nei a, 2-2 in an inhnhehtawk.

Sorkar kal ta leh sorkarna chelh mektute hian infiamna an dah pawimawh a, a bikin football-in ngaih pawimawh a hlawh. Mizoram hmun hang hrangah artificial turf phah chhoh a ni a, tuna SYS minister Robert Romawia Royte hnuaiah hian district hrang hrangah khelmual ṭha tak tak din a ni tawh a, siam mek pawh ṭhahnem tak a awm a, a lawmawm hle.

Chapchar Kut, Republic Day leh Independence Day atana hman ṭhan Lammual artificial turf pawh a lo chul ve ta hle; heti chung hian kan khelmual ngaihhlut ber a ka ni zel a, Mizote thinlungah Lammual chu Lammual a ni!

Ramhlun North an var: Ramhlun North ṭantute kawr var nen Lammualah an thawm a ṭha a, Armed Veng South an hnehna kawngah pawh an pawimawh hle.

Lammual bul bridge: Tualchhung football inelna lian tham a awm a nih chuan Lammual bakah a bula awm bridge a khat ṭhin. Tun ṭum inelnaah pawh inkhel ena bridge-a ṭhu an ṭhahhnem ṭhin hle.Lammual bul bridge: Tualchhung football inelna lian tham a awm a nih chuan Lammual bakah a bula awm bridge a khat ṭhin. Tun ṭum inelnaah pawh inkhel ena bridge-a ṭhu an ṭhahhnem ṭhin hle - local football fan tan hmun hlu a tling.

Football match ropui: Champhai Kanan leh Republic Veng inkhel hi tun ṭum inelnaa hriat zui hlawh zingah a tel pha. Tlai dar 3:30-a ṭan tur ni mah se ruahsur vangin dar 4:00-ah ṭan theih a ni chauh a ni a, hun pangngaiah 2-2 a nih avangin extra time khelh a ni a, chu tah pawh chak zawk an la awm lo. Penalty shootout-ah pawh boruak a sang zui a, a pettu hmasa paliten an pet goal lo vek. Sudden Death-ah Champhai Kanan an vannei ta zawk a, inkhelh a zawh meuh hian zan dar 7 vel a ni - Lammualah mipui an la khat tlat.

Lammual Tlang: Tualchhung football ngainatute ṭhutna ṭhin chu 'Tlang' hi a ni - Lammual chhak lam tlangah mipui an khat ṭha ṭhin hle. Chutihrualin daihlim siamtu ber leh hmun tihlutu 'bung' a awm ta lo erawh a kim ta la lo deuh. 'Tlang' hi Lammuala inkhel en ṭhin tan hmun duhawm bera chhal ngam a ni.

Lengpui: Lengpui VC Team-in anmahni ṭantu Zomuanthanga Stand-a awm Lengpui mipuite nen Hnahthial Jt VC an hneh an lawm. Lengpui hi khaw lian ber zinga mi ni lo mah se Zoram football-a khaw lian ber 'tiat' an ni.

Sialhawk an pui keih keih: Sialhawk VC Team-in Sialhawk ṭantute nen Farkawn an hneh an lawm - Sialhawk hian neutral ṭan an hlawh 'keih keih' hle.

Republic Veng ṭantute: Republic Veng LC Team-in semifinal thleng zo ta lo mah se an ṭantu ringawt pawh 'hmuhnawm' tham an ni a, Lammual luah khat thei deuhthaw an pungkhawm. An football team pawhin inkhel hmuhnawm lantirin tun tournament-a team hmuhnawm ber zinga mi an ni.

Chanchin duhawm loh: Quarterfinal match hnuhnung berah Ramhlun North-in Armed Veng South 2-1 in an hneh. AVS ṭantute referee thutluknaah an lungawi thei lo a, inkhelh banah an lungawi lohna an lantir, bungraw tam tak an tichhia.

Entu an ṭhahnem: Inter Village Football inkhel en man hi Rs 50 a ni a, entu an ṭhahnem ṭhin hle. Gate-a lut tur pawhin an ṭhathnem ṭhin avangin an intlar.