Chhinga Veng an tla, Armed Veng Derby a hnai?

7th July, 2022

Tualchhung football-a sulhnu nei ṭha Chhinga Veng leh Chaltlang chuan team ṭha Durtlang, Electric Veng, Chanmari leh Ramhlun South te hnung zuiin an puanthuah an tel ve leh ta. S. Malsawmtluanga enkawl Chhinga Veng hi nimin khan Lammualah Lalengmawia Ralte (Apuia) telna Vaivakawn nen hun pangngaiah 1-1 an inhnehtawk a, penalty shootout-ah 7-6 in an vanduai.

Vanduaina
Champion rinkai zinga mi Chhinga Vengin Vaivakawn lakah inkhel an thunun zawk a, Rochharzela hmangin minute 32-naah hma an hruai. Vaivakawnin minute 56-naah Vanlalhriata freekick hmangin mawi zetin an sut. Minute ruk hnuah box pawn aṭanga R. Malsawmtluanga ball pet chu Vaivakawn keeper Lalbiakhlua Jongte-in tiperin Chhinga Veng tan Lalbiaknia'n goal pawimawh a khungah a inngai a, assistant referee-in offside a tih avangin pawm a ni lo - replay-ah erawh Biaknia hi a offside lo.

Vaivakawn an ṭang tluan a, penalty shootout-ah pet goal lo hmasa mah se Hyderabad keeper Biaka'n chhanhimin 7-6 in hnehna a chanpui. Chhinga Veng coach Mama chuan, "Team tin hi kan inang khat a, license coach enkawl deuh vek an ni tawh. Khelh ṭhat niah chuan chak thei vek kan ni a, kan vanduai ni kan tawng a ni," tiin Vanglaini a hrilh.

Armed Veng derby?
Armed Veng leh an ṭhenawm Armed Veng South te champion rinkai an ni ve ve. Coach Lalbiaksanga enkawl Armed Veng hian Kanan 2-0 in an hneh. Practice-naah Armed Veng hian an hneh tawh loh avangin an fimkhur a, 1-0 a nih laiin hun tawp hma hretin Kananin siphurh sutna hun ṭha an nei bawk. Amaherawhchu Armed Vengin hnehna an chang a, goal hnih an khung bakah an chhuah loh avangin an lawm ang.

Team ṭha Chaltlang leh Armed Veng South inkhel a hmuhnawm a, AVS-in ṭum hnih hma an hruai hnuah Chaltlangin an sut ve ve. A tawpah veteran player C. Ramdinmawia'n a theihna a pholang a, MPL club Ramhlun North captain hlui hian box pawn aṭangin mawi zetin minute 82-naah freekick a pet goal.

Armed Veng leh Armed Veng South hi last 16-ah an inhmachhawn thei a, hemi thleng tur chuan vawi khat ve ve la chak a ngai. Boruak erawh a 'hot' dawn tih a chiang, Armed Veng hian tun inelna pual hian 'Fan T Shirt' an siam a, 200 vel an hralh der tawh. Second round-ah ringawt pawh entu 500 bawr vel an nei!

Group B inkhel dangah Bungkawnin Republic Vengthlang 1-0 in an hneh a, Khawlailungin Aizawl Venglai hnehtu Lenchim zin kawng titawpin 6-2 in an sawp.

Round of 64 - Nimin Inkhel Results

Group A - Lengpui MSC
Selesih VC 0 - 13 Sialhawk VC
SIA : Vanlalbiakdika 3' 33'; R. Laldanmawia 36', 37'; Crespo Vanlalhriatpuia 38'; Vanlalremruatpuia 40', 45', 47' 51', 75'; VL Malsawmtluanga 68' 79'; Vanlalmuanpuia 73'

Kawnpui Venglai VC 4 - 1 Keitum VC
KAW : Lalṭhasanga 47'; Lalengmawia 54' (P); Lalnunpuia 65', 90+1'
KEI : Lalthlanawma 58' (P)

Mamit Jt VC 4 - 1 Parvatui VC
MAM : Lalrinhlua 9'(25 sec); Ngursangzela 32'; Samson Vanlalhriatpuia 59'
PAR : VL Malsawma 68'

Suarhliap VC 0 - 1 West Phaileng VC
WES : Malsawmzuala 45+1'

Group B - RG Stadium, Mualpui
Kanan LC 0 - 2 Armed Veng LC
ARM : Lalbiakthanga 74'(P); Lalmuanzova 90+4'

Bungkawn LC 1 - 0 Republic Vengthlang LC
BUN : Rinthangsiama 12'

Chaltlang LC 2 - 3 Armed Veng South LC
CHA : Rony C. Lalenkima 17'; H. K. Lalhruaitluanga 61'
AVS : J. Lalbiakliana 28'; Lalrammuanpuia 56'; C. Ramdinmawia 82'

Lenchim VC 2 - 6 Khawlailung VC
LEN : C. Lalruatfela 57' Lalhmunsanga 90+4 ' (OG)
KHA : Lalthantuanga 14' (P), 45+1'; Zonunpuia 22';
K. Vanlalhriatzuala 26', 34', 66'

Group C - MFA Ground, Sairang Dinthar
Sihphir Venghlun VC 3 - 2 Tlangmawi VC
SIH : PC Lalruatfela 34'; PC Lalruatsanga 44', 90'
TLA : Laltluangkima 47', 90+2'

Lengpui VC 2 - 0 Zanlawn VC
LEN : F.Lalremsanga 25'; Lalrokima 80'

Seling VC 2 - 1 Lungtian LC
SEL : F.Lalhmangaihzula 36' 84'
LUN : Lalneihtluanga 53'

Sihphir 5 - 1 Dawrpui LC
SIH : Zorempuia 1', 79'; C. Lalruatfela 43'; H. Lalbiakdika 70'; R.K Lalhmangaihzuala 88'
DAW : Lalremtluanga 36'

Group D - Lammual
Vaivakawn LC 1 - 1 Chhinga Veng LC
Penalty Shootout-ah Vaivakawn 7-6 in an chak
VVK : Vanlalhriata 56'
CHH : Rochharzela 32'

Bethlehem Vengthlang LC 5 - 1 Sairang VC
BVT : Lalremsanga 45+1'; Zaithanmawia 34'; Suanngaihmuana 20', 53', 90'; Amos Lalnienga 49'
SAI : C. Lalmuanpuia 17'

Zokhawthar VC 1 - 2 Thakthing LC
ZOK : C.Lalmuanpuia 66'
THA : S.Jelibon 1' (24 secs); Lawmsangzuala 54'

Melbuk VC 1 - 2 Champhai Kanan
MEL : Lalnunmawia 85'
CHA: PC Lalengmawia 15'; Lalramsanga 58'