Vawiin aṭangin second round

LBS Suzuki All Mizoram Inter Village Football Tournament 2022-ah vawiin aṭangin second round khelh ṭan a ni dawn a, khelmual pathum Lammual, MFA Ground leh Lengpui MSC-ah te khelh a ni dawn.

Team pakua Luangpawl, Zawlnuam Bawrai Veng, Gosen Veng (Kolasib), Bawngkawn South, Saichal, Durtlang Leitan, Zonuam, Zuangtui leh Zemabawk te chu vawiin hian a vawi khat nan a inlan ang.

Beisei nei Zawlnuam
Zawlnuam Bawrai Veng hi an sulhnu thlir chuan team pangngai tak an ni a, an group awmna thlirin thui tak thleng thei an ni. Vawiin chawhma dar 10:30 hian Dengsur an hmachhawn dawn.

Dengsur hian Champhai Inter Village semifinalist Hnahlan an hneh a, chutihrualin Hnahlan hi first round-ah chak an inrin tho avangin an player ṭha ṭhenkhat an hruai nghal lo - an tisual hle. Dengsur hi Hnahlan hnehtu ni mah se Zawlnuam Bawrai Veng hi team ṭha an ni a, a hmuhnawm ang.

Group A inkhel dangah West Phailengin first round-a bye Luangpawl an hmachhawn dawn. West Phaileng hian Kawnpui VC II 4-3 in an hneh a, buk rit zawk turah an ngaih theih.

Lammual inkhel dangah Thiltlang leh Phuldungsei bakah Gosen Veng (Kolasib) leh Darlak-te an inkhel dawn bawk. Group A-ah hian team ṭha tia sawi tur an tam lo a, chutihrualin Chanmari bakah Salem Veng, Hualngohmun leh Venghlui te an awm tih hriat a ṭha.

Sairang Dinthar lam
MFA Ground-ah group C te an inlan dawn a, team ṭha Hnahthialin Saichal an hmachhawn dawn. Saichal hi vawi khat khelhna tur a ni a, player enin Hnahthial bûk a rit zawk.

Hnahthialin Mizoram aiawha khel tawh player ṭha an ngah a, an match hmasa berah pawh Bungkawn Vengthar 11-0 in an sawp a, Saichal hi inlan lo thei dinhmunah an ding. Team hming thlir chuan Durtlang Leitan leh Khawzawl Vengthar te hi en châkawm tura ngaih an ni a, mah se uluk zawka bihchian chuan Muthi 9-2 a hnehtu Khawzawl Vengthar hi team ṭha zawk niin an lang. Leitan tan player ṭha ṭhinte hun a ral a, player naupang zawk an inlan ang.

Bawngkawn South leh Darlawngte inkhel tur hi intum tawk tura ngaih an ni a, Darlawng hian first round-ah Leng 4-1 in an hneh. First round-a chiang taka chak pahnih Jt VC Lawngtlai leh Damparengpui te an inkhel dawn bawk. Lawngtlai hian Durtlang North 6-1 in an sawp a, Damparengpuiin 5-2 in Muanna Veng an hneh thung.

Lengpui a 'hot'
Lengpui boruak a lum ṭha a, inkhel boruak pawh a nung ṭhin hle. Vawiin chawhma dar 9:00 hian Dinthar hnehtu Kolasib Ṭumpui leh Tuivamit-te an inkhel dawn. Kolasib Ṭumpui hian William Lalnunfela leh
Ramhlunchhunga te an neih avangin team ṭha an ni a, Tuivamit hi MPL-ah pawh tawnhriat nei ṭha Lalramliana'n a la ho thei a, inkhel hmuhnawm an lantir thei ang. 

Inkhel dang pathum erawh thawm nei lian tur zinga mi an ni lo a, a hmuhnawm tho ang - Zonuam leh Lungdai an inkhel ang a, Zuangtui leh Hriphaw ten an chhunzawm ang. Hriphaw hian Ṭhuampui 6-0 in an sawp a, an veng ṭhenawm Zuangtuiin phuba an laksak dawn nge an mualpho ve dawn? Match tawp berah Zemabawk leh Rawpuichhip ten a tawp an khar ang.

First Round-ah goal 426 a lut
LBS Suzuki All Mizoram Inter Village Football first round chu nimin khan khelh zawh a ni a, match 76 aṭangin goal 426 a lut. Nimin bikah match 19 khelh niin goal 97 a lut.

Tun inelnaa match khata goal khung tam ber chu Republic Vengthlang an ni a, Bawngva 13-1 in an sawp. He inkhelah hian goal 14 lutin Ramhlun South-in Jt VC, Vairengte 9-5 a an hneh ṭum nen match khata goal lut tam ber a ni.

Goal 10 leh a aia tam khung thei team hi Republic Vengthlang bakah Hnahthial, Armed Veng South, Republic Veng, Salem Veng leh Champhai Kanan te an awm. Chutihrualin inelna hi knockout a nih avangin an goal khung tam hian second round-ah awmzia a nei tawh lo ang.

Group A
Khelmual - Lammual
Venghlui LC 4 - 1 North Chaltlang VC I
VEN: K. Roluahpuia 4', 39'; Lalthankima 13'; Lalhmunruata 19'
NOR: Lalrinnunga 62' (P)

Melthum LC 2 - 0 Tuithumhnar VC
MEL: Lalrintluanga 33'; Lalmuankima 89'

Selesih LC 2 - 0 Kanghmun VC
SEL : Lalhmingmawia 25'; C.Lalrinzuala 74'

Samtlang VC 2 - 2 Sesih VC
Penalty Shootout-ah Samtlang 4-2 in an chak
SAM : TC Lalsangbera 4'; Henry Vanlalsanga 69'
SES : D. Sawmkima 64'; Thangzoliana 65'

Khelmual - Lengpui
Tuikual North LC 1 - 5 Sialhawk VC
SIA: R. Laldanmawia 18', 31'; Rotluangliana 23', 73'; Lalmuankima 63'
TUI: Lalnundika 41'

Group B
Khelmual - RG Stadium
Hlimen LC 8 - 3 Lengte VC
HLI: Ramdinsanga 4'; Lawmsangzela 14', 31'; Rampianmawia 21', 48', 60' (P); Lalhlimpuia 77'; Zonunsiama 79'
LEN: Lalhruaimawia 37', 42'; Lalchenpuia 55' (P)

Chawilung VC 1 - 2 New West Phaileng VC
CHA: Rochanhlua 50'
NEW: C. Lalnunsanga 21'; Lalramdinpuia 41'

Falkawn VC 5 - 1 West Bunghmun VC
FAL: Lalhmingsanga 7'; Ramdintluanga 26' (P), 34'; Isaac Lalropuia 31'; Mesak Rozamliana 89'
WES: Lalduhsaka 79'

Ramhlun Venglai LC 4 - 1 Lungkawlh VC
RVL : Joel Lalruatsanga 8'; C. Lalrinhlua 53', 66'; Jerry Lalrinzuala 82'
LUN : Lalruatzela 37'

Khelmual - MZU Ground
Saron Veng LC 6 - 0 Buangpui VC
SAR: Zoramsanga 5', 46'; B. Lalrindika 25'; T. Lalnunpuia 54', 76'; Vanlalchhandama 87'


College Veng LC 4 - 1 Thinghlun VC
COL : Lalpekhlua 9'; Laldawngkima 75'; B Zoramthara 79'; Lalrinchhana 86'
THI : Joseph Lalnunthara 55'

Durtlang LC 2 - 2 Thenzawl West VC
Penalty shootour-ah Thenzawl West 4-3 in an chak
DUR: Jessy Vanlalmuana 1', 51'
THE: Lalhmingliana Kawlni 27' (P); Lallawmkima 90+2'

Khelmual : MFA Ground
Nursery Veng LC 0 - 3 Bilkhawthlir N VC
BIL : Lalramhmunmawia 11',41'; Lalremsanga 66'

Khelmual : Lengpui MSC
Tuithiang LC 6 - 1 Biate VC
TUI : C Lalremruata 6', 43'; M Lalpektluanga 8', 29', 39', 81'
BIA : Chawngthansanga 61'

Group C
Khelmual : MFA Ground, Sairang Dinthar
Rangvamual LC 1 - 1 Lungtian VC
Penalty shootout-ah Lungtian VC 3-1 in an chak
RAN: Roneihsanga 79'
LUN: C. Lalduhthanga 12'

Tlangnuam Vengthar VC 6 - 0 Hmawngbu VC
TLA: Rajesh Chhetri 15', 88'; Vanlalmalsawma 18', 25'; K. Lalrinfela 76'; Andrew Laldinsanga 89'

Sihphir VC 3 - 2 Mualkhang VC
SIH: C. Lalruatfela 19'; Zorempuia 21', 78'
MUA: Ephraim lalrorela 25'; Malsawmdawngliana 61'

Group D
Khelmual : Lengpui MSC
Melbuk VC 2 - 1 Lamzawl VC
MEL: Lallawmsanga 16'; Lalsawmzela 22'
LAM: Lalṭhakima 60'

Thenzawl East VC 2 - 10 Champhai Kanan VC
THE: Malsawmtluanga Ralte 75'; Remsangpuia 84'
CHA: R. Ramdinthara 1', 8', 10', 18', 27', 47'; Laltlanzova 13', 28'; Lalramsanga 62'; H. Lalmuankima 86'