A hma aia ṭhain kan khel thei - Celtics coach

Boston Celtics coach Ime Udoka a la beidawng lo, match khelh hmabak an la neihah theihtawp an chhuah tur thu a sawi - an tihsual siamṭhain tun hma aia a ṭha zawkin an khelh theih a beisei thu a sawi bawk.

NBA Finals hi game 5 thleng khelh zawh a ni tawh. Golden State Warriors chuan best of seven series-ah 3-2 in hma an hruai mek, champion turin match khat chiah chak an mamawh tawh.

Tukin dar 6:30 hian TD Garden-ah game 6 an khel chhunzawm, mualneitu Boston Celtics tan chak loh a thiang lo. An chak a nih chuan game 7 khel turin Chase Center an la pan thei dawn, an chak lo a nih chuan inelna a zo fel ang.

Celtics coach Udoka chuan, "Kan mamawh ber chu thawhhona ṭha a ni, a tir aṭanga kan khingpuite an kal fal nghal a nih chuan thil a harsa zo tawh ṭhin. Chuvangin a hmawr bawk fuh tur chuan a bul ṭan fuh a ngai dawn.

"Game 5 kha en let ila, kan tihsual holam tak takah min hrem let zel tih kan hmu thei ang. Chuvangin a tlem thei ang ber tihsual kan neih a ngai, hlau leh khur chungin mikhual kan thleng tur a ni lo ang," tiin a sawi.

NBA Finals
Results & Fixtures
Game 1: Golden State 108 - 120 Boston Celtics
Game 2: Golden State 107 - 88 Boston Celtics
Game 3: Boston Celtics 116 - 100 Golden State
Game 4: Boston Celtics 97 - 107 Golden State
Game 5: Golden State 104 - 94 Boston Celtics
June 17, Zirtawpni
Game 6: Boston Celtics 06:30 AM Golden State
June 20, Thawhṭanni
Game 7: Golden State 06:30 AM Boston Celtics
(Series-ah Golden State hian 3-2 in hma an hruai)