Thlasikah World Cup

YMA Day leh World Cup a in nangching ṭhin a, nipui laiin football inelna lian kan en ṭhin a nih kha. Mahse, kuminah erawh football khawmpui ropui hi kan la en thei rih lo, a vawi khat nan thlasik laiin World Cup khelh a ni dawn.

November 21 aṭanga December 18 chhungin khelh a ni dawn a, an ram a lum em avangin nipui lai chuan player tan inkhelh a harsa dawn, thlasik lai pawhin stadium-ah boruak tih vawhna hmanrua an hman tel a ngai dawn hial.

Stadium hrang hrang pariat - Lusail Iconic Stadium, Al Bayt Stadium, Stadium 974, Al Thumama Stadium, Education City Stadium, Ahmad bin Ali Stadium, Khalifa International Stadium leh Al Janoub Stadium-ah te khelh a ni ang.

World Cup 2022 hi ram panga Qatar, United States, South Korea, Japan leh Australia ten thlen an dil. FIFA Executive Committee member 22 ten vote an thlak a, vote 14 hmuin Qatar hian an chang thei ta a ni.