Burnley manager thar Kompany

Manchester City captain hlui Vincent Kompany chuan team enkawl hna a thawk chhunzawm dawn. Belgian manager hian season thar aṭangin Burnley a enkawl dawn - Championship club tana a contract rei zawng hi ziah lan a ni lo.

Kum 36 mi Kompany hian kum hnih chhung chu Anderlecht a enkawl tawh. Season hmasa khan a club hi Belgian league-ah pathumna a nihpui a, season tawp rualin a club nen inhriathiam tawnnain an inṭhen.

Kompany chuan, "Chona ka hmachhawn tur hi ka phurin ka nghakhlel hle. Burnley Football Club hi English club sulhnu nei ṭha zinga mi a ni a, club thuneitu lam hmathlir ka hriatin ka lawm," tiin a sawi.

Season hmasa khan Sean Dyche enkawlna hnuaiah Burnley hi an che ṭha lo, April thla khan an coach hi an ban hial. Manager lailawk Mike Jackson hoin theihtawp chhuah mah se Premier League khel chhunzawm turin an inhamtang zo ta chuang lo.

EPL aṭanga Clarets an tlak hnuhnung zawk chu 2014-15 season kha a ni a, an manager Dyche-a chu chamin Championship title an la zui thei hial. English football inelna sang berah an kir leh a, tunah erawh an thawnthu ngai bawk hi tih leh an tum dawn - Kompany hoin a ni thung ang.