Tihsual kan neih tlem a ngai - Boston coach

Boston Celtics coach Ime Udoka chuan NBA champion nih an tum thu a sawi a, chumi tihlawhtling tur erawh chuan tihsual an neih tlem a ngaih thu a sawi. Game 2-ah tihsual an ngah avangin an chak lo.

NBA Finals game 3 chu Ningani zing dar 6:30 hian khelh a ni dawn, best of seven series-ah Celtics leh Golden State Warriors te chu 1-1 in an inhnehtawk mek a, inelna hi Chase Center-ah ni loin TD Garden-ah an khel tawh dawn.

Celtics coach Udoka chuan, "Garden-a inkhelh hlan ka nghakhlel, kan khelmualah chuan fans puihna hmangin game ropui kan khel thei ngei ang tih ka ring, boruak pawh a ṭang ṭha et awt khawp ang.

"Game 2 kha kan thlirkir a nih chuan tihsual kan ngah, ball kan hloh hnemin chumiah chuan min hrem let zel. NBA champion nih kan tum a nih chuan khatiang kha chu a remchang tawh lo," tiin a sawi.

NBA Finals
Results & Fixtures
Game 1: Golden State 108 - 120 Boston Celtics
Game 2: Golden State 107 - 88 Boston Celtics
June 9, Ningani
Game 3: Boston Celtics 06:30 AM Golden State
June 11, Inrinni
Game 4: Boston Celtics 06:30 AM Golden State
June 14, Thawhlehni
Game 5: Golden State 06:30 AM Boston Celtics
June 17, Zirtawpni
Game 6: Boston Celtics 06:30 AM Golden State
June 20, Thawhṭanni
Game 7: Golden State 06:30 AM Boston Celtics
(Series-ah 1-1 in an inhnehtawk mek)