Neymar leh Pele inkarah goal thum

Brazil tana goal khung hnem ber chu Pele a ni. King of Football tia an sawi Pele hian an ram tan goal 77 a khung, forward Neymar chuan a rawn hnaih zel - football legend a phak lohna chu goal thum chauh a ni ta.

Tokyo National Stadium-ah Brazil hian Japan nen friendly match an khel a, 1-0 in an chak. Goal awmchhun hi Neymar-a'n minute 13-naah a khung a ni. Paris St Germain hmatawng hi South Korea laka goal hnih khung hlim a ni bawk.

South American ram tan Lucas Paqueta-a'n minute hnihna lekah goal ban a tih per, a hnu lawkah Richarlison-a penalty hlawhchhuah chu Neymar-a'n a khung, goal dang a lut chhuanzawm lo.

Tite-a'n Qatar World Cup khel tur team nghet tak a din tawh. Manchester United midfielder Fred pawhin world champion vawi nga ni tawh tan hmun pawimawh a chang zel, tun hnaia an friendly match pahnihah a inlan ve ve a ni.

World Cup-ah chuan Brazil hi group G-ah Serbia, Switzerland leh Cameroon te nen an awmkhawm dawn. Qatar an pan hmain friendly match dang pawh an la khel leh ang.