Champhaiah volleyball inelna

Nimin aṭang khan Champhai District Volleyball Association buatsaih Season Opening Tournament 2022 chu khelh ṭan a ni a, inelna hi Kahrawt YMA Field-ah neih a ni.

Inelna hi Mizoram Volleyball Association aṭangin assistant secretary David Zochhuanmawia chuan a hman pui a, tun hma aṭanga MVA thil tum pangngai chu India senior team tana khel phak player neih a nih thu a sawi.

Season Opening Tournament-ah hian mipa team 29 leh hmeichhe team pakua an tel a, pool hrang hrangah ṭhen darh niin, an inkhelh kual hnuah a sang pahnih zel ten semifinal an khel ang.