Semifinal beiseitu Mizoram

Khelo India Youth Games 2022-ah Mizoram football hmeichhe team chuan vawiin chawhma dar 9:00-ah Gujarat an hmachhawn ang a, point an hlawh chhuak a nih chuan semifinal an lut ang.

Inelna hi Panjab University Ground 1-ah kheh a ni a, Mizoram hian an match hmasa bera Odisha 2-0 a an hneh hnuin match hnihnaah Haryana lakah 3-0 in an tlawm. Amaherawhchu Gujarat hian Haryana 2-0 in an hneh bik lo a, Odisha nen 1-1 in an inhnehtawk.

Mizoram tan semifinal lut turin draw a tawk. Mizoram manager R. Lalnunsangi chuan, "Kan naute an thawkrim em em a, Khelo India-ah hian hlawhtlinna chan ngei kan tum. Semifinal thlen hi kan hmachhawp hmasa a ni a, chumi tur chuan kan theihna zawng zawng kan chhuah ang," tiin a sawi.

Khelo India-ah hian group khat aṭangin team pahnihin semifinal an lut dawn a, Mizoram awmna group aṭang hian Haryana-in group hmahruaitu ni chungin semifinal an lut tawh. Group dangah hian Jharkhand, Manipur leh Tamil Nadu te an awm thung.

Hmeichhe Football Team
Goalkeeper
Lalremruati Lunglei
Benita Solo Kawlchaw
Defender
Nancy Lalhlimpuii Sesawng
Lalrawngbawli Sailo Champhai
Sandra Beipiso Notlia Siaha
Vanlalnghaki ITI Veng
Malsawmtluangi Lungsum
Lalremruatfeli Champhai
Midfielder
Ruth Vanlalpeki Luangmual
Lalrinmawii Hnahthial
Sarah West Phaileng
Lalhriatpuii Sialhawk
Lalmawizuali Sesawng
Cindy Remruatpuii Armed Veng
Forward
Miriam Lalnunsiami Bukpui
Awi ngaih dim Ngaizawl
Lalramsangi Vanbawng
Coaching Staff
Manager R Lalnunsangi, Bethlehem Vengthlang
Coach Lizzy Lalhmingsangi, Ramhlun North